Kim Jong Un, lider di Noord Korea, a bisa cu e remarkenan di presidente Mericano Donald Trump a convence su persona cu e tin tur derecho pa desaroya armanan nuclear pa Noord Korea. Den un declaracion via media local, sr. Kim a bisa cu Trump ta “loco” y lo “paga pa su discurso haci na Nacionnan Uni” e siman aki. Presidente Trump a laga sa cu si Merca lo keda forsa pa defende su mes, nan lo “totalmente destrui” Noord Korea. Trump tambe a haci bofon di Kim bisando cu e ta un “Rocket man” cu ta riba un mision di suicidio.
E dos paisnan tin dos luna caba cu ta den un discusion grandi cu otro. Noord Korea ta keda test misil. Nan a conduci nan di seis test nuclear a pesar cu lidernan internacional a condena esaki. Aworaki despues di discurso di Trump na Nacionnan Uni, ta parce cu e situacion a caba di bira mas tenso entre e dos paisnan.
