ADVERTENCIA: E articulo aki ta contene imagennan y contenido grafico.
E cirugia cruel aki ta tuma solamente cinco minuut. Clientenan cu ta desea pa nan cachonan no blaf mas ta hiba nan cerca un ‘veterinario’ pa un cirugia. Ta pone e cacho drumi prome anto ta corta e caha di zonido di e cacho cu un cirugia brutal na su garganta. Despues di un ora por mira docenas di cacho drumi riba un palet den solo pa recupera. E cirugia aki ta wordo haci den aire liber, pues hendenan pasando ta saca potret y esakinan ta circulando riba social media na China. Autoridadnan a stop e practica aki siman pasa, despues di bolbe hala atencion di e cirugano amateur Zeng Moumou, bisando cu e no ta cualifica ni tin e regulacionnan rekeri pa practica como veterinario. El a keda deteni y ta awor bao investigacion.
E procedura – cu ta bini cu riesgo di infeccion – ta causa perdida di sanger, rosea y problema pa guli segun autoridadnan. Moumou a discuti cu e nunca a bisa di ta un veterinario. E ta bisa cu su procedura no ta inclui diagnosis. Ta djis un ‘quick snip’. A confisca e instrumentonan di e persona aki pasobra e tabata ignora ordo di gobierno pa stop cu su practica, y algun cliente no a keda contento. Un cliente a bisa cu ta opta pa haci e operacion aki cu un cacho ‘cu ta haci hopi lawaai’, enbes di kita su bida.
Fuente: News.AU
