Mas di 300 kilo di explosivo a wordo horta ayera, di un empresa minero cu ta produci calki y otro mineral localisa na Chapada do Apodi, na Limoeiro do Norte, interior di estado Ceará. Aparte di e explosivonan, tambe a hiba material cu ta uza den rementa baranca.
Segun polis, dos homber cara tapa a ataca e empleadonan cu tabata transportando e explosivonan pa un luga di coba piedra. E criminalnan a bay cu parti di e explosivonan cu tabata den un truck. Mesora despues e sospechosonan a bay na un deposito di material dentro di e empresa y a hiba e resto di artefacto explosivo y substancianan kimico uza pa traha bom.
Despues di e robo, e sospechosonan a huy sin wordo identifica. Funcionarionan di e empresa di mineria a presenta na e Oficina Municipal di Limoeiro do Norte y a registra un denuncia.
Polis a cuminsa haci buskeda den e region, pero te ayera no a logra localisa e sospechosonan, ni e material roba.
