. Papa Francisco a yega e capital di Colombia, Bogota, riba diaranson. El a topa cu presidente Juan Manuel Santos y su casa Maria Clemencia Rodriguez, kende a introduci e na un grupo di mucha.
Papa Francisco a yega e capital di Colombia, Bogota, riba diaranson. El a topa cu presidente Juan Manuel Santos y su casa Maria Clemencia Rodriguez, kende a introduci e na un grupo di mucha.
Su vuelo mester a wordo desvia pa evita horcan Irma. Pues enbes di bula over Puerto Rico, e avion a opta pa pasa over di Barbados, Grenada y Trinidad. Danki na Wireless Internet riba e vuelo, periodistanan tabata por a cubri live updates.
Papa Francisco a wordo regala un Ruana, un tipo di poncho tradicional cu ta wordo bisti na region d Andes di Colombia y Venezuela.
Miles di hende a para den fila pa presencia e Popemobile den cayanan di Bogota.
A ambiente tabata uno hopi felis, guardianan di seguridadmes tabata mas cu contento pa saca potret di hende y saluda e Papa.
Otronan a bini prepara cu selfie stricks.
Papa Francisco a admira hendenan local pa mustra nan heroismo durante conflicto arma na Colombia cu a dura mas cu cinco decada.
Brayan Fernandez ta mustra un rosario cu el a haya for di Papa Francisco. E Papa a bisa tur mucha pa bini hunto un rato y bisa nan pa no perde speransa. “No permiti pa boso wordo derota,” el a bisa.
