Canada a otorga asiel na 31 homosexualnan di Chechenya. E noticia aki ta bin for di director ehecutivo di e organisacion non-profit Rainbow Railroad, Kimahli Powell.
31 homosexualnan di Chechenya a haya asiel na Canada
Den un entrevista cu CBC, sr. Powell a declara cu e organisacion a yuda 31 homosexualnan scapa for di Rusia.
E operacionnan pa extradita e homosexualnan a tuma 3 luna y a wordo conduci clandestinamente. “Nos kier a ta discreto cu e campaña, ya cu asinaki nan lo tin mas chens di haya trabou y train nan lenguahe.”
Diferente medionan desde april ta raportando e abusonan contra homosexualnan na Chechenya. A wordo raporta cu entre otro hombernan homosexual ta wordo tortura y wanta como catibo den prizonnan.
Acosonan tambe a bin di parti di autoridadnan. Segun medio Ruso Novaya Gazeta, e homosexualnan ta wordo denuncia como terorista y ta wordo considera como simpatisantenan di Estado Islamico.
