Un di e sospechosonan den e atake na Las Ramblas, Barcelona a admiti den corte cu tabata tin un atake hopi mas grandi planifica. Sospechoso Mhamed Houli Chemlal a keda herida durante e explosion cu a totalmente destrui un cas den pueblo di Alcanar diaranson siman pasa. 15 persona a fayece y mas cu 100 otro hende a keda herida den e serie di atakenan cu a tuma luga na Barcelona.
Ocho miembro di e supuesto grupo cu a responsabilisa nan mes pa e atake ta morto – dos a muri den un explosion y seis a wordo tira mata door di polis. E ultimo sospechoso (Younes Abouyaaqoub, 22) a wordo mata dialuna na un vineyard parti west di Barcelona. E sospechosonan cu a sobrevivi, a wordo transporta pa Madrid bao supervision halto di autoridadnan.
