Belgica ta acusa Hulanda di ta bon na altura cu tabata tin un contaminacion di webo hopi peligroso desde aña pasa. Autoridadnan Belgicano a admiti caba di ta na altura, den luna di Juni, cu webonan cu ta bini for di e pais Hulandes por contene ‘insecticide’ dañino. E informacion no a bira publico te cu un luna despues, cual a wordo hopi critica rond di Europa.
Minister di Agricultura na Belgica Denis Ducarme a enfatisa cu tin un documento cu ta mustra cu nan bisiña tabata bon na altura riba esaki desde November 2016. E kimico den cuestion, Fipronil, por ta dañino na riñon, higra y thyroid glands. E ta wordo uza pa trata carpata y pulga den bestianan, anto manera un ‘insecticide’ general, pero e no ta aproba pa uzo den e industria di cuminda.
E origen di e contaminacion no ta completamente conoci ainda, pero un cantidad di reportahe ta sugeri cu e kimico Fipronil por a wordo inclui hunto cu un otro kimico (insecticide) pa mehora su efectividad.
