Departamento di Obra Publico ta trece na conocemento di pueblo en general, automobilistanan y en particular e automobilistanan cu ta uza e caminda cu ta bini for di Seroe Biento y Yucuri cu ta bay pa e crusada di Mahuma, cu lo cera un parti di e caminda desde dialuna awor 7 di maart 2016.
E trabaonan ta encera construccion di un duiker nobo y en conexion cu esaki lo bay cera un parti di caminda pa tur trafico. Lo indica e ceramento di e parti di caminda en cuestion cu borchinan di trafico. E trabaonan relaciona cu esaki lo tin den total un duracion di 6 siman di trabao. Nos ta pidi pueblo di Aruba comprencion y cooperacion pa e trabaonan cu mester tuma lugar y ta pidi disculpa pa cualkier inconveniencia cu por surgi.
