Rond di henter asunto relaciona cu e caso di e prome baby di aña y nan mayornan, directora di Censo, Sharin Luydens ta haya remarcabel cu e mama di e baby, un mucha muhe cu a haya e baby cu 15 aña, a sali fei Aruba na november, y e tabata ilegal. Aunke e tabata bibando ilegalmente na Aruba, el a sali sin su mayornan fei di nos isla, sin problema.
Directora di Censo a laga sa na Bon Dia Aruba cu e mucha muhe a “sali fei aeropuerto ilegal y drenta un par di dia despues ilegal”. E no por splica su mes con e por a drenta Aruba bek. El a pone departamento di Inmigracion na altura di e caso aki, ya cu e ta un cos cu e ta puntra su mes con e ta sosode?
