E cantidad di fayecido durante protesta na Venezuela a aumenta na 95, despues cu Ministerio Publico a confirma e fayecimento di profesora Janeth Angulo Parra, di 56 aña, durante un manifestacion na ciudad di El Tocuyo, oeste di e pais.
Oposicion Venezolano a haci yamado na final di juni pa desobediencia civil, despues di e decision di presidente Nicolas Maduro di impulsa un asamblea constituyente. Oposicion ta pensa cu e iniciativa di Maduro ta un proceso ilegal.
Protesta na Venezuela a cuminsa na luna di april y desde e fecha ey e pais ta bibando den un situacion di caos y violencia, cu a laga 95 morto y mas di 1400 herido, entre nan hende di oposicion, oficialista, funcionario di seguridad y transeunte no envolvi den e disturbionan.
