Un rato pasa vocero di Ministerio Publico ta confirma na nos redaccion cu un biaha mas tabata tin detencion di un sospecho awe mainta. Segun e vocero, ta trata aki di e persona cu inicial E.G.C.
“E persona deteni ta wordo sospecha di labamento di placa y complicidad na soborno”, e vocero di OM ta bisa. Ta trata aki di consehero di minister Paul Croes, kende ta sospechoso principal di e caso aki, y ademas E.G.C. ta forma parti di un fundacion di e minister mes.
Segun un otro fuente digno di confiansa, ta trata di e fundacion ‘Stichting Leadership and Excellence’ cu ta e fundacion, segun registro di Camara di Comercio, ta maneha tur e fondonan di campaña di e actual minister sin cartera, Paul Croes. Den e fundacion aki, un di su board membernan ta Esmero Giovanni Capriles, cual segun e fuente ta e sospechoso deteni.
OM ta confirma tambe cu a tene un huiszoeking na un otro adres cu ya a bishita na e inicio di e investigacion. E huiszoeking aki ta relaciona cu mas prueba cu a haya of lo mester.
