Hoben deportista di Aruba Ethan Westera (19 aña) ta bira e campeon mundial nobo di Slalom Windsurfen. Ceril Moussilmani di Francia a bay cu e di dos luga y Hulandes Jordy Vonk a bay cu premio di brons riba Paal 17 Texel IFCA Slalom Worlds. Na di ultimo luga a sali Hulandes Adriaan van Rijsselberghe.
Ethan: “Mi a sali porfin for di categoria hubenil pa drenta esun grandi anto mi a gana. Esaki ta seguramente algo fantastico pa mi. Mi no por kere ainda, e ta un di mi soñonan cu a wordo cumpli.”
Slalom
E evento ‘Slalom’ ta un di e disciplinanan di mas spectacular y poderoso di windsurfing. E caredanan cortico entre tres pa cinco minuut por wordo haci den areanan compacto cerca di publico. E caredanan ta riba velocidadnan halto anto e formato ta di eliminacion cual ta rekeri un comision di careda eficiente. Den algun eventonan, cuarenta careda den un dia no ta un excepcion.
