Un homber arma a basha bala riba legisladornan cu tabata na un practica di baseball na Washington DC. Congresista Steve Scalise tabata un di e cinco persona herida diaranson mainta na un parke den Alexandria, Virginia.
E sospechoso a wordo identifica como James T Hodgkinson, a wordo tira mata despues di un tiramento pisa cu polis. Dos polis a resulta herida tambe pero no gravemente. Hodgkinson tabata un homber di 66 aña di edad, bibando na Bellevile, Illinois. E legisladornan tabata practicando pa locual ta nan wega anual di baseball cu ta wordo organisa na Nationals Park, hogar di e team major league di baseball The Washington Nationals.
FBI a tuma over e investigacion aki di un tiramento cu a dura mas o menos 10 minuut, riba hendenan cu no a spera esaki y tabata tin practicamente bat di baseball so pa defende nan mes.
