Polis na Merca a publica un video caminda por mira rescate di un dama na estado di South Carolina cu a wordo captura door di asesino Todd Kohlhepp. E sospechoso tabata tin e dama Kala Brown captura pa dos luna caba scondi den un container como un esclavo di sex.
Kohlhepp a wordo captura door di autoridadnan anto el a confesa di a mata shete persona den estado di South Carolina, Merca. El a declara su mes inocente dos siman pasa pa evita castigo di morto anto a wordo sentencia pa bida den prizon. Diabierna pasa autoridadnan a publica varios potret y video cu cantidad di evidencia contra e sospechoso.
