Den loke ta parce hopi con Grecia tabata actua prome cu nan a cay den ‘default’ cu nan debenan, e regimen di Nicolás Maduro ta endeudando Venezuela como si fuera no tin mañan, comprometiendo e nacion pa paga $5 pa cada dollar cu e logra obtene den financiamiento fresco, segun El Nuevo Herald.
E gobernante Bolivariano, cu ta enfrenta mas di 70 dia di manifestacion constante genera mey mey di e crisis economico mas grave den historia moderno di Venezuela, a lansa e luna aki dos operacion controversial cu por genera menos di $2,000 miyon na liquidez, a cambio di crea debe pa e pais di cerca di $8,000 miyon.
E prome acto tabata e colocacion hopi critica di $2,800 miyon na bono di PDVSA cu e banco di inversion Mericano Goldman Sachs. E di dos ta algo mas controversial ainda cu ta trata di un emision di $5,000 miyon na bono ‘al portador’ (pa paga na esun cu presenta cu e bono), cu ta poni na benta na e prijs di $1,000 miyon.
“Esaki ta prijs di likidacion,” Russ Dallen ta splica, cu ta socio di e firma di intermediacion financiero Caracas Capital Markets. “Esaki ta e tipo di operacion cu un persona ta realisa ora e sa cu finalmente e no ta bay paga su debenan, manera ora bo ta na punto di declara bancarota, pero un poco prome cu esey bo ta sali pa cumpra tur sorto di cos, cargando tur bo tarhetanan di credito te maximo.”
E bononan al portador, cu en esencia ta permiti un persona transporta $5,000 miyon anonimamente den un maletin, ta un instrumento actualmente mira masha poco biaha den mercadonan financiero, despues cu a descontinua nan na Merca y otros paisnan pasobra el a converti su mes den e instrumento perfecto pa labamento di placa y evasion fiscal.
E mmiho referencia conoci di e instrumentonan aki kizas tae bononan al portador Nakatomi, menciona den e pelicula “Hard to Kill’ cu Bruce Willis, unda e bandido, Hans Gruber, a spera di por scapa comodamente cu $640 miyon den un maleta.
“No por transporta $5,000 miyon den un maletin na biyete di $100,” Dallen a comenta. “Esaki ta e instrumento perfecto pa terorista di ficcion y, aparentemente tambe, pa e regimen Venezolano.”
E informacion disponible den mercado encuanto e emision priva di e bononan al portador pa e nacion ta scars, pero un di e datonan cu a duna di conoce a yama atencion di Dallen.
“Esaki ta e prome bono cu ta bisa cu Venezuela no mester ta un pais miembro di Fondo Monetario Internacional, y cu esey, riba su mes, no ta un evento di default,” e experto financiero acomenta, citando e informacion cu a aparece den e sistema di Bloomberg.
