Sitio turistico hopi popular na Filipina, Resorts World Manila , ta completamente cera den ‘lockdown’ di emergencia despues cu a surgi tiramento y explosion den e compleho.
Un persona desconoci cu cara tapa tabata tirando hende for di segundo piso, segun empleadonan di e hotel a conta CNN Filipina. Ainda no ta conoci cuanto morto of herido tin den e atake aki cual a inicia parti mardruga diahuebs na Filipina. Varios turista a core bay sconde den e casino di e resort, e cinema y tiendanan. Ainda ningun hende no a tuma responsabilidad pa e atakenan. E compleho ta basta grandi y tabata tin algun turista pega den nan camber. Algun persona caba a ricibi asistencia medico riba heridanan menor y inhalacion di huma pero nada ainda riba herida di arma di candela.
