Un vuelo di Malaysia Airlines a wordo forsa pa bira bek y aterisa di emergencia despues cu un pasahero a bisa cu e tabata tin un bom cu ne anto a purba drenta e cockpit. E vuelo desde Melbourne pa Kuala Lumpur mester a bira bek despues cu e capitan a keda alerta cu tabata tin problema cu un pasahero.
E avion a aterisa na aeropuerto di Melbourne 11:40 pm anto a keda den un area isola mientras miembronan di seguridad a wordo yama pa inspeccion. Pasahero Andew Leoncelli ta bisa cu e homber a mustra manera un lunatico, di un momento pa otro el a cuminsa grita cu e tin un bom anto cu e ta bay explota e avion. Malaysian Airlines conhuntamente cu autoridadnan di Australia ta investigando e incidente.
