Un hefe di organisacion di mafia grandi na Italia a wordo tira mata mientras cu e tabata riba su bicicleta, den locual ta aparece e tipo di asesinatonan cu ta menos mira den e ultimo añanan. Giuseppe Dainotti, 67, tabata tin mas cu dos decada den prizon pa asesinato y ladronicia como miembro di Cosa Nostra mafia. El a wordo libera den 2014. Autoridadnan ta pensa cu dos homber, probablemente riba un vehiculo motorisa, a yega cerca Dainotti anto tir’e den su garganta, un paar di meter leu for di unda un otro asesinato di mafia a tuma luga den 2014.
“Ora cu hendenan ta bisa cu e mafia no ta existi mas, ata algo asina ki ta pasa pa mustra bo cu e ta mas bibo cu nunca,” fiscal Francesco Lo Voi ta bisa.
Fuera di e asesinato di Giuseppe di Giacomo, ruman di hefe grandi di mafia cu ta den prizon Giovanni Di Giacomo, den e mesun bario tres aña pasa, e cantidad di asesinatonan relaciona cu mafia na ciudad di Palermo ta subiendo recientemente.
