Denrick “Denden” Lopez, Sebastian Montoya y Mairon Gutierrez. E wega a cuminsa unda cu e oncena di Paradera / Piedra Plat a cuminsa domina e wega y a crea 3 oportunidad di gol hopi trempan den wega. Sv Britannia Frisian Flag a keda domina e wega sigur pa 20 minuut te ora cu Dakota a cuminsa trece balansa den e wega. Tabata na di 35 minuut di wega cu Ezra Bosnie ta pone un paso largo pa Ricky Hodge y unda cu e keeper di Britannia Lionel y Ricky Hodge ta dal den otro y referee ta pita pinalti pa Sv Dakota. E pinalti ta wordo tuma pa Emile Linkers cu ta un hungado di seleccion di Aruba naci na Corsou y cu a hunga futbol entre otro na Hulanda y Indonesia y Emile Linkers ta manda Dakota ariba 1-0 y pa halftime drenta cu e bentaha minimo di Dakota ariba Sv Britannia Frisian Flag. Den di dos tempo Sv Britannia ta haci un cambio y e delantero Sebastian Motoya Cano ta drenta wega na luga di Sylverster Schwengle kende a sufri un lesion. Cu e cambio aki Sv Britannia a aumenta su dominio ariba Dakota y por bisa cu mayoria di dos tempo Sv Britannia Frisian Flag a domina e wega y cu un Dakota cu aki aya tabata for peliger pa e keeper di Britannia.
Na di 20 minuut di dos tempo despues di un corner Theric Ruiz ta haya e bala ariba su pia robes un den un media buelta ta deposita e bala den net pa e gol di empate. Hopi a considera e gol aki un hoya di gol. Di e forma aki tambe referee Colina ta fluit pa e final di e wega y unda cu tur dos team ta bay cas cu un punto. E proximo wega di Sv Britannia ta contra di Dep. Nacional y di otro banda Dakota mester enfrenta RCA. Diasabra anochi RCA ta gana Dep. Nacional cu score di 2-1 y mas y mas e weganan di playoff ta bira mucho mas interesante. Pabien na Sv Britannia Frisian Flag y Dakota cu e empate y nos mester menciona cu Dakota manera custumber a yena tribuna banda pazuid mientras cu Sv Britannia a sorprende cu masha hopi fanatico tambe
