Poblacion di Colombia a raporta tres hende cu a mata nan mes y cu supuestamente ta relaciona cu e reto conoci como “bayena blauw”. E prome morto ta na San Pedro Valle de Cauca; e di dos ta na Villa del Rosario, y e di tres na Bogotá. Polis a detecta direccion IP di Mexico y cu ta relaciona cu e reto cu a bira viral riba rednan social.
Awor nos ta traha specificamente riba siete website, cu nos tin identifica caba y cu tres di nan ta acusa pa fiscalia general di nacion”, general Jorge Luis Vargas, director di Dijin y Interpol a informa.
E investigacion ta detecta e Secta MOA, Secta 100tifika y e usuario ‘Jovani Aguilar’, como parti di hende cu ta apoya e tipo di actividad criminal aki. Vargas a denuncia cu INTERPOL y polis a manda un alerta pa 190 pais rond mundo, pa asina duna datonan tocante e modalidad nobo conoci como “bayena blauw”. Autoridad ta duna un alerta pasobra ta existi induccion na daño fisico, falsedad y probablemente explotacion di mucha”.
E grupo aki tin su base na Spaña, pero di acuerdo cu investigacion, e reto a bin for di Mexico. Nos sa cu nan ta na Mexico, dos di e websitenan a keda blokea caba y nos ta den contacto cu polis federal di Mexico. Nos mester bloka 4 site mas, cu colaboracion di Facebook y autoridad internacional”, Vargas a splica.
