Diaranson algo pa 8:38 di anochi Central di Polis a haya yamada cu un atraco a tuma luga na Paradera Restaurant. Na yegada di patruya na e sitio e Chines ta conta cu dos hende homber jong a drenta y atracanan.
Un di e atracadonan tabata tin cara tapa y e otro no. Esun cara tapa ta tin un arma di candela. Por a compronde ta dos guy jong y tur dos a papia bon papiamento. E personanan aki a logra bay cu mas o menos afl 500,-. E atracadonan a huy na pia. Tabatin patruyanan ta buscando den bisindario si por topa cu cualkier persona sospechoso, pero esaki tabata envano.
Atraco team a presenta na e sitio y cuminsa cu e investigacion. Tambe a pidi slachtoffer hulp y polis tecnico. Polis ta pidi cualkier persona cu por a wak algo pa yama tiplijn di polis cu ta 11141.
