Recientemente tabatin un reunion entre hefe di polis di Noord y Strandpolitie Inspector Andrew Hoo, miembronan di AHATA y ministernan Dowers, de Meza y Sevinger. E meta di e reunion aki tabata elabora riba e progreso di ‘beach policy’.
A elabora riba implementacion, permisonan cu ta wordo otorga na watersport y e hotelnan. Cual ta haya trato igual pa no tin distincion. Segun sr. Hoo, e ta haya pregunta pa loke ta trata ehecucion, pero mayoria problema ta dirigi na Isabelle Dammers kende ta parti Management Team di DIP.
Siguridad riba beach ta keda semper bou maneho di polis y personal di siguridad di hotelnan. Pero e beach policy y e zona no tin di haber cu polis, sino DIP. Den caso cu mester ayudo di polis, lo haya esaki.
Otro punto cu a bin dilanti ta ora cu no in permiso, caminda DIP ta encarga pa kita loke tin poni ilegalmente riba beach. Cual ta andando pa un tempo caba, pero e no ta bay di un dia pa otro. Pues asina cu e keda cla, polis t’ey pa duna su aporte na e situacion.
