A pesar cu  Camara di Comercio di Aruba (KvK) a realisa un encuesta online pa eligi e partidonan cu lo participa den e debatenan politico cu nan ta organisa, finalmente nan a dicidi pa habri e porta na tur partido cu te awor oficialmente tin pensa di participa den eleccion di september proximo. Nan ta: ABO, AVP, MAS, MEP, POR, PPA, RED y UPP.

Presidente di KvK Ernst Mohamed ta laga sa cu e motibo cu a bin cu cambio riba structura di debate ta debi cu tabatin cierto confusion y desacuerdo encuanto e rekisitonan pa participa den e debate. Ta asina cu inicialmente KvK kier a mantene un balans structural cu un participacion di maximo 6 partido politico. E ora e publico en general lo por vota via un encuesta online  pa scoge tres participante. Pero en bista di e ultimo desaroyo, directiva di KvK a dicidi di habri e debate pa tur partidonan participante independiente di e encuesta cu nan a realisa.

E instancia ta spera cu aworaki si, tur confusion  y tur mal entendimento ta keda atras. “Tur hende lo ta contento cu aworaki nos tin un debate pa e pueblo di Aruba, cu naturalmente nos lo organisa pe, ta conforme cu nan lo haya informacion di tur partidonan envolvi”, e presidente ta bisa.

E miembronan no kier a tene solamente di e partidonan cu nan ta wak tur dia sino cu nan kier wak un bista mas amplio y tende di otro hendenan. “Aworaki scuchando esey, den nos miembronan nos a dicidi con nos ta bay haci’e, y nos a cambia e formato un tiki di e debate. Door di esey nos a logra cu nos por invita tur esunnan cu a registra. Esey ta e rason.”

Entre asina yama partidonan grandi y partido chikito nan ta garantisa cu lo tin diferente tema, y cu un partido chikito lo por debati cu un partido grandi. Sinembargo e preguntanan rond di gobernacion lo ta reserva pa e  partidonan  cu a yega di participa den gobierno, y no pa e partidonan nobo cu nunca a carga responsabilidad gubernamental.

Na final, presidente Mohamed a bisa cu KvK a haci tur cos den un modo positivo pa cumpli cu tur e preguntanan di nan cliente, miembronan y pueblo en general. Nan como gremio t’ey pa percura pa desaroyo economico, y e proceso aki ta forma parti di dje. Nan ta anticipa un debate hopi interesante.

Debatenan di calidad
Camara di Comercio su argumento ta cu di e forma aki por logra un debate mas democratico y contribui cu un bon ambiente politico.  Nan kier ofrece un debate di calidad caminda inicialmente e 8 organisacionnan politico menciona ariba, ya sea  partido grandi of chikito, tradicional of nobo lo haya oportunidad pa trece nan idea y opinion riba topiconan interesante pa nos comunidad.

Directora  di KvK,  Sonja Velthuizen ta informa cu e ticket ta disponibel pa e publico interesa. Nan por tuma contacto via nan website of via telefon. E publico lo tin oportunidad pa tene un combersacion priva cu e participantenan despues di e debate. E debate aki lo wordo transmiti via Tele Aruba.

E  debate lo ta al estilo di esun cu a tuma luga na Hulanda den cuadro di eleccion pasa. Nan ta laga dos partido subi riba stage y nan ta haya un pregunta; y nan lidernan of representante  mester duna nan contesta.  Despues dos otro partido ta subi stage y lo haya otro pregunta y asina consecutivamente.  KvK ta haya cu e debate lo ta mas dinamico di e forma aki. Tambe via Facebook e partidonan por contesta e otro preguntanan cu no a wordo formula na  nan. Asina despues di e prome debate tur hende por lesa e contesta via e social media aki.

Vota mas biaha online
Encuanto e cuestionamento of critica relaciona cu e encuesta online, caminda pa ehempel un persona por a vota varios biaha pa e mesun partido. E no ta descarta cu esaki por sosode, pero pa evita esaki nan a cubri nan mes, ya cu si nan por a wak e IP adres di un persona varios biaha, nan tabata kita eseynan. Sinembargo ainda e mesun persona por vota mas biaha si lo uza diferente IP adres.

Caso di PDR
Sr. Mohamed  ta splica cu nan prome regla inicialmente tabata cu esunnan cu tabatin representacion den parlamento lo tin e prome opcion of siguransa pa participa den e debate. Den e caso specifico di e partido POR cu a nace di un aliansa cu Partido Democracia Real (PDR), el ta bisa cu pa motibo cu Marisol Lopez-Tromp y Andin Bikker ta den Parlamento, y considerando cu nan a afilia na POR,  nan decision tabata pa POR participa automaticamente. Aunke esaki no tabata e unico motibo. Pero debi na e confusion cu esaki a causa y tambe pa e reaccion di KvK su miembronan nan a dicidi pa haci mas flexibel e regla aki.

Riba e caso particular di e asina yama directiva nobo di PRD cu a entabla un caso contra KvK cu a nenga di registra nan, den caso cu corte ta duna un veredicto na nan fabor,  KvK lo evalua di nan lo por participa den e di dos debate si of no, unabes cu hues dicidi. Riba pagina 3 di e edicion aki por lesa mas riba e caso aki.

Participacion
Presidente Mohamed ta indica cu e 8 partido anuncia ariba lo ta esun cu lo participa den e prome debate di dia 8 di juni proximo na Marriott Hotel, y  no ta inclui mas partido nobo. “No tin espacio mas. Esaki tabata e partidonan cu a registra y cu a cumpli cu nan rekisitonan pa registra; y p’esey nos a cera e debate.”  E ta agrega cu e 8 partidonan aki ta esunnan cu a mustra interes y cu a cumpli cu nan rekisitonan y nan ta haya nan chens  pa trece nan programa pa nos comunidad .

Di dos debate posibel mas partido
Sinembargo pa e di dos debate cu lo tuma luga dia 17 di augustus, nan lo evalua e posibilidad pa e partidonan nobo cu no a participa den e prome debate, lo tin chens pa e delaster. Ainda nan ta trahando riba e structura di e di dos debate, teniendo na cuenta cu e registracion oficial pa eleccion 2017. Nan ta pensando riba e rekisitonan  pa e di dos debate, y un di nan posiblemente tin di haber cu e partidonan nobo cu no a cay den e grupo inicial di 8 partido. Nan ta e partidonan nobo cu a logra compila e 500 firma exigi pa e conseho electoral pa nan por participa den eleccion venidero.

Un comision special di KvK lo ta encarga cu elaboracion di e preguntanan cu ta abarca diferente tema y puntonan serio di interes general. “Nos no ta un partido politico. Nos no kier mete den dje, pero debi cu hopi di nos clientenan y miembronan a pidi nos haciele.”

Entre asina yama partidonan grandi y partido chikito nan ta garantisa cu lo tin diferente tema, y cu un partido chikito lo por debati cu un partido grandi. Sinembargo e preguntanan rond di gobernacion lo ta reserva pa e  partidonan  cu a yega di participa den gobierno, y no pa e partidonan nobo cu nunca a carga responsabilidad gubernamental.

Na final, presidente Mohamed a bisa cu KvK a haci tur cos den un modo positivo pa cumpli cu tur e preguntanan di nan cliente, miembronan y pueblo en general. Nan como gremio t’ey pa percura pa desaroyo economico, y e proceso aki ta forma parti di dje. Nan ta anticipa un debate hopi interesante.

Debatenan di calidad
Camara di Comercio su argumento ta cu di e forma aki por logra un debate mas democratico y contribui cu un bon ambiente politico.  Nan kier ofrece un debate di calidad caminda inicialmente e 8 organisacionnan politico menciona ariba, ya sea  partido grandi of chikito, tradicional of nobo lo haya oportunidad pa trece nan idea y opinion riba topiconan interesante pa nos comunidad.

Directora  di KvK,  Sonja Velthuizen ta informa cu e ticket ta disponibel pa e publico interesa. Nan por tuma contacto via nan website of via telefon. E publico lo tin oportunidad pa tene un combersacion priva cu e participantenan despues di e debate. E debate aki lo wordo transmiti via Tele Aruba.

E  debate lo ta al estilo di esun cu a tuma luga na Hulanda den cuadro di eleccion pasa. Nan ta laga dos partido subi riba stage y nan ta haya un pregunta; y nan lidernan of representante  mester duna nan contesta.  Despues dos otro partido ta subi stage y lo haya otro pregunta y asina consecutivamente.  KvK ta haya cu e debate lo ta mas dinamico di e forma aki. Tambe via Facebook e partidonan por contesta e otro preguntanan cu no a wordo formula na  nan. Asina despues di e prome debate tur hende por lesa e contesta via e social media aki.