(NLTimes) – Programa investigativo di periodismo Pointer a descubri un canal di Telegram caminda miembronan ta comparti imagennan falso sunu di por lo menos 37 influencer Hulandes conoci. Por lo menos 11 caso ta encera potret sunu genera pa AI di mucha menor di edad.
E imagennan sunu a ser genera usando app di kita paña di AI. Riba e canal di Telegram, cu 2.200 miembro, miembronan ta saca imagen for di e canal di red social di e influencer y ta converti nan den potret sunu cu e app di kita paña, y despues comparti e imagen sunu atrobe.
Genera y distribui material pornografico di un otro hende sin nan consentimento explicito ta castigabel, asta si nan ta un adulto y e imagen ta genera pa AI. Como cu e imagen ta inclui por lo menos 11 mucha muher menor di edad, Pointer a reporta e pornografia infantil na polis.
E influencer en cuestion a keda den shock ora Pointer a informa nan tocante nan imagen cu a ser comparti riba e canal di Telegram. Hopi a bisa e programa cu nan lo presenta acusacion na polis.
Telegram a kita e canal for di liña despues di e investigacion di e programa.
