
(AP) — Mexico a celebra diahuebs despues di evita e ultimo rond di tarifa di Cas blanco cu ta dirigi ariba decena di partner comercial Mericano rond mundo, pero tambe ta recorda liher cu den un economia mundial e efectonan di inseguridad no por ta evita completamente.
Presidente Claudia Sheinbaum a bisa cu e acuerdo di comercio liber firma pa Mexico, Canada y Merca durante e prome administracion di Trump a proteha Mexico.
Awor su gobierno lo enfoca ariba e tarifanan existente di 25 porciento di Merca ariba autonan importa, staal y aluminium, mientras ta acelera produccion domestico pa guardia cuponan di trabou y reduci importacion.
“Durante mi ultimo yamada cu Presidente Trump, mi a bisa cu, den caso di tarifanan reciproco, mi comprondemento tabata cu lo no tin tarifa (riba Mexico), pasobra Mexico no ta pone tarifa ariba Merca,” Sheinbaum a bisa.
Secretario di Economia Marcelo Ebrard a señala cu a pesar di tin acuerdonan di comercio liber cu Merca, hopi pais a ser afecta pa e tarifanan cu Presidente di Merca Donald Trump a anuncia diaranson riba loke el a yama “Dia di Liberacion.” Trump a cuadra e tarifanan como un manera pa trece trabounan di fabricacion back na Merca.
Notando cu Mexico a evita e ultimo buelta di tarifanan, Ebrard a bisa cu cantidad di exportacion Mexicano incluyendo productonan agricultural manera awacati, paña y articulonan electronico lo sigui drenta Merca sin invoerrechten.
Sheinbaum, mientras tanto, a encurasha companianan cu ta produci na Mexico cu no tabata exporta bou di e acuerdo di comercio liber pa varios motibo pa tuma e pasonan necesario pa cualifica. El a cita productornan grandi di auto Aleman como un ehempel.
Cualifica pa e acuerdo di comercio liber por encera cualkier cos for di hacimento di documentonan te na haci ahustenan na e fuente di un producto.
A pesar cu e ultimo tarifanan di Trump no a ser imponi riba Mexico, e inseguridad cu nan a crea y e interconexion di e cadenanan di suministro di auto di Nort America a nifica cu no a tarda pa e efectonan toca Mexico.
Stellantis, fabricante di marcanan di auto incluyendo Dodge y Jeep, a anuncia cu e lo para produccion na su planta di ensamblahe na Toluca west di Mexico City pa luna di april mientras e ta evalua e impacto di e tarifanan riba su operacionnan. Un paro temporal similar di produccion tabata programa pa un planta di ensamblahe na Canada y mas o menos 900 trahador mester a ser kita for di trabou temporalmente den varios planta na Merca.
E inseguridad ey ta parti di e motibonan dicon Sheinbaum ta pushando Plan Mexico, un iniciativa pa promove y cultiva produccion domestico.
Como ehempel, ela menciona un colaboracion entre su gobierno, universidadnnan local y companiannan Mexicano Megaflux y Dina pa produci busnan electrico pa transporte publico.
Ebrard a bisa recientemente cu e busnan ta representa no solamente un avanse tecnologico na Mexico, pero tambe un “desicion strategico” na fabor di e soberania industrial di Mexico.
Na un fabrica na Mexico City, e busnan electrico yama Taruk — trail-runner den e idioma Yaqui Indigena – ta den produccion caba. Director General di Megaflux Roberto Gottfried a bisa cu e compania ta spera di entrega mas o menos 200 pa fin di aña.
El a señala cu mas o menos di 70 porciento di e componentenan di e Taruk ta ser produci na Mexico, incluyendo su motor, pero e baterianan di litio cu ta alimenta nan ta bin di China.
Den un pais caminda un di cada tres persona ta usa transporte publico tur dia, desaroya e sector aki domesticamente ta crucial, Gottfried a bisa.
Apesar di e retonan economico mundial presenta pa e inseguridad causa pa tarifanan, el a bisa, e Mercado interno grandi di Mexico ta duna e iniciativa un bentaha competitivo pa desaroya y wanta e tormenta.