Dia 15 di maart ultimo ex-prome minister Evelyn Wever-Croes a presenta e relato anual 2024 cu ta contene informacion tocante su ministerionan pa loke ta aña 2024. E relato anual aki ta consisti di cuater capitulo y capitulo cuater ta trata e ministerio di Infrastructura.
Pa loke ta trata e funcionamento di e Servicio di Midimento di Tereno y Registracion di Bienes Raices (DLV), e documento ta indica, tabata persigui un aumento di eficiencia y efectividad, caminda e tareanan asigna na e servicio (pa ley) ta ser ehecuta corectamente.
Haciendo esaki, e relato a sigui indica, e demanda pa producto y servicionan di DLV ta ser cumpli cune di forma mas responsabel posibel cu un produccion, calidad y oportunidad corespondiente. Modernisacion, pa medio di automatisacion, di operacionnan empresarial di DLV, semper lo hunga un rol grandi den esaki. Tur esaki den ehecucion y elaboracion di tanto politica di gobierno como e mision, vision y obhetivonan di DLV.
Pa loke ta cumplimento di e tareanan di DLV pa cual e miembronan di personal di DLV concerni ta conoci of na ta altura di dje of ta duna contenido na dje, e documento a splica, ta dirigi riba realisa e siguiente circunstancianan cu e servicio, gobierno y comunidad di Aruba, ta drenta aden.
E circunstancianan aki ta inclui promove seguridad huridico den transaccionnan di bienes y raices pa medio di un registro di tereno actualisa, confiabel y moderno; e disponibilidad di geo-informacion actual cu por tin acceso na dje na un manera moderno; un DLV orienta na cliente y eficiente cu ta actua pa funcionamento cu ta cubri gasto; empleadonan di DLV motiva; aumento di productividad; y mehoracion di procesonan di negoshi y maneho di informacion na DLV, cu tambe tin como meta pa corta e tempo di entrega pa ehecucion di orden.
Pa loke ta trata e obhetivonan di DLV pa aña 2024 esakinan tabata inclui e finalisacion di legislacion y regulacionnan relaciona cu registracion di kadaster; tuma accion pa reduci e atraso den conversion di partinan traspasa di terenonan di manera cu por identifica cada un basa riba un designacion kadastral; e funcionamento di DLV ta haci posibel y necesario pa ahusta tarifanan pa propositonan di cubrimento di gasto di DLV; clientenan profesional y personanan priva por pidi y obtene informacion digitalmente for di e registro kadastral; haci midimento digitalmente cu instrumentonan di midi moderno y principalmente GPS y di e forma aki graba, controla y procesa; e mapa kadastral y datonan cu ta bin for di otro material visual actual di e teritorio di Aruba ta ser entrega den forma digital registra den un base di dato for di cual datonan por ser recupera tanto den forma digital como analogico; e finalisacion di e registracion kadastral di e teritorio di Aruba a ser structuralmente atendi; gerencia ta ser sosteni pa e procesamento, maneho y informacion di maneho tocante tareanan cu un sistema di informacion automatisa; y e modernisacion di operacionnan di negoshi a conduci na aumento di eficiencia, amigabel cu cliente y productividad.
E relato anual ta indica cu ta asumi cu e obhetivonan proponi pa 2024 ta hopi estrechamente relaciona cu otro. Como resultado, hopi di e obhetivonan cu ta forma parti di e gran mayoria di nan no ta completamente independiente pa alcansa. Pa motibo di e vinculo aki, un desaroyo pa loke ta trata un obhetivo por tin un efecto positivo of negativo y retrasa pa por logra un of mas di e otro obhetivonan.
Teniendo na cuenta loke a ser describi anteriormente, e documento ta señala, den e strategia aplicabel aki pa logra un obhetivo di forma sostenibel por ser desaroya den un trayectoria specifico y actividad completa riba su mes por ser considera como un logro di e obhetivo al fin y al cabo. E relato anual ta remarca cu si e logronan aki no ser alcansa, tampoco e obhetivonan asocia.
