(AFP) – Sean ‘Diddy’ Combs a declara su mes inocente diabierna di acusacionnan nobo agrega na su caso federal pa trafico sexual y crimen organisa federal.
E acusacion ta bisa cu mientras e magnate di hip-hop tabata abusa sexualmente di hende y obliga nan participa den fiestanan sexual cu droga y violencia, el a obliga empleadonan traha oranan largo mientras tambe a exigi nan silencio.
E homber di 55 aña a presenta corte di Manhattan pa haci un declaracion den e caso criminal cu lo cuminsa pronto, cu un seleccion di hurado en persona cuminsando dia 5 di mei y declaracionnan di apertura anticipa pa dia 12 di mei.
Combs a rechasa tur acusacion den su contra.
Acusacionnan publico a cuminsa aumenta contra e ganador di Grammy desde fin di aña 2023, ora cu cantante Cassie, ken su nomber real ta Casandra Ventura, a acusa cu Combs a comete mas di un decada di forsa fisico y droga ademas di un violacion den 2018 contra su persona.
Conhuntamente cu e caso criminal federal, Combs ta enfrenta un cantidad grandi di demanda civil, kehonan cu ta acusa abuso severo di parti di e artista cu asistencia di un red leal di empleado y asociado.
E superstrea di rap tin desde september deteni, durante cual por mira e cambio den su aparencia fisico.
Durante diabierna su audiencia e tabata smile, cuminda y manda sunchi na un rij di sostenedor, incluyendo su dos yiunan y su mama.
