Departamento di Obra Publico ta desea di informa comunidad di Aruba, specialmente automobilistanan cu ta haci uso di Caya G.F. Betico Croes cu for di dia 12 di maart 2025 te cu diabierna 14 di maart 2025 nos lo cera un parti di Caya G.F. Betico Croes pa motibo di un desmantelacion di un edificio cu ta tumando lugar.
For di un veredicto di un kort geding, Hues di Primera Instancia a dicta cu un di e edificionan na plaza Nikki Habibe ta den tal estado cu posiblemente peliger pa cay den otro. Pa seguridad di e area, hues a ordena pa desmantela e edificio inmediatamente.
Pa seguridad di tur automobilista y personanan cu ta transita den e area, nos lo cera e caminda temporario for di 8:30 di mainta te 6’or di atardi pa asina nos por desmantela e edificio.
DOW ta pidi disculpa pa e inconveniencia cu por surgi.
