(Curacao.nu) – Tarifanan Mericano nobo ariba importacion for di Canada, Mexico y China por afecta prijs y yega na gastonan mas halto pa consumidor y empresanan na Corsou, loke por provoca un aumento di inflacion y lo por pone economia bou presion
Riba 1 di februari 2025, presidente di Merca Donald Trump a firma tres decreto ehecutivo cu ta establece tarifanan nobo pa importacion. Canada y Mexico lo enfrenta un tarifa di 25 porciento ariba tur mercadonan importa, mientras cu exportacion di energia for di Canada lo tin un tarifa di 10 porciento. Pa China, un tarifa extra di 10 porciento ta ser implementa, esaki lo ta ariba e tarifa cu ya caba ta existi cu ta yega te 25 porciento.
Despues di negocia cu Canada y Mexico, e implementacion di tarifanan a ser posponi cu un luna.
Debi na e lasonan economico fuerte entre Corsou cu Merca, es tarifanan por impacta varios sectornan ariba e isla. Costonan di importacion mas halto por resulta den prijsnan mas halto pa consumidor y empresanan. Productonan manera electronica, autonan, y material di construccion por bira mas caro, mientras tanto afectando e cadena di suministracion por causa desabastecimento pa importadornan na Corsou.
Empresanan local lo enfrenta costonan mas halto, locual por afecta diferente sector manera mercado detaya, hospitalidad, y e sector di construccion. Turismo por ser poni bou presion si inseguridad economico y costonan di biahe bira mas halto, esaki lo causa cu menos turista Mericano lo bishita Corsou. E industria di petroleo y sector financiero tambe lo mester tene cuenta cu costonan mas halto y relacionnan di comercio cu ta cambia, cu lo afecta inversionnan.
Gobierno di Corsou ta considerando diferente strategia pa limita e impacto di e tarifanan. Proveedornan alternativo for di Europa, Latinoamerica y China por yuda reduci e dependencia riba Merca. Medidanan fiscal, manera excension di impuesto pa empresa y reduccion di tarifanan di importacion ariba productonan esencial, por yuda pa disminui costonan. Inversionnan den agricultura local y produccion local lo por reduci e dependencia riba importacion. Ademas, gobierno lo pone enfoke na atrae turista for di mercadonan nobo y regulacion faborabel pa atrae inversionnan strahero.
E consecuencianan di e tarifanan Mericano no lo ripara inmediatamente, pero e lo manifesta gradualmente, segun Ministerio di Finanzas. Durante e prome lunanan despues di implementacion, empresanan lo por experencia costonan mas halto y desabastecimento. Den seis te diesdos luna, lo sinti un efecto economico mas amplio, manera inflacion y disminucion di turista. Ariba termino largo, Corsou lo mester probablemente ahusta strategianan comercial den su forma structural.
