(FoxNews) – Un studiante di 20 aña di edad a ser mira pa ultimo biaha riba video di vigilancia disfrutando cu su amigonan durante ‘spring break’ na un resort den Republica Dominicana, prome cu el a desaparece misteriosamente.
Sudiksha Konanki, un studiante di pre-medicina na Universidad di Pittsburgh, a ser mira ultimo riba camara di vigilancia cu cinco otro hende drentando beach na Riu Republica Hotel na Punta Cana despues di 4:15am diahuebs, segun polis nacional Dominicano a bisa den un declaracion.
E video, obteni pa Noticias SIN, a capta e grupo ta cana den direccion di beach na e hotel di cinco strea. E imagen ta e ultimo biaha cu autoridadnan sa di e paradero di Konanki prome cu e residente di Virginia a desaparece.
E desaparicion di Konanki a genera speculacion amplio tocante e eventonan cu a conduci na esaki, pa loke autoridadnan na Republica Dominicano y na Merca ta investigando.
E video ta mustra Konanki compaña pa dos homber y tres muhe. E studiante tabata brasa un homber cabey blond, kende autoridadnan a identifica como un “amigo masculino.” Autoridadnan a bisa cu e amigo cu tabata cu Konanki cerca di e momento di e desaparicion ta bao investigacion.
No ta cla ken e homber ta, pero polis a bisa cu e tabata den awa na e mesun beach, y nan ta cuestionando e pa corobora su version di eventonan.
Autoridadnan no a nombra ningun sospechoso den nan investigacion andando. Den un comunicado ayera, polis nacional Dominicano a bisa cu nan ta “re-entrevistando individuonan cu tabata den proximidad di e victima na momento di su desaparicion.”
Esaki ta inclui empleado di hotel unda Konanki y su compañeronan tabata kedando, cu meta pa compila informacion pa corobora su movementonan, interaccion, y cualkier detaye relevante pa e investigacion.
