(Bonaire.nu) – Cuminsando awe, 10 di maart, Fundacion ‘Tienda pa Konsumidó Boneriano’ (FTPKB) lo introduci un proyecto renoba di comparacion di prijsnan pa informa consumidornan Boneriano na un manera miho.
Den colaboracion cu Departamento di Supervision y Cumplimento, FTPKB lo cuminsa e registracion di prijsnan den supermercado y mini mercado, pa logra un comparacion di prijs mas confiabel y completo.
Antes, e fundacion tabata enfrenta dificultad pa haya acceso na cierto negoshi, pero danki na e asociacion aki, e problema aki ta soluciona. E ekipo conhunto lo registra y compara prijsnan, pa asina consumidornan por tuma decisionnan di compras mas informa.
Un otro innovacion den e proyecto aki ta e introduccion di un herment digital pa compara prijs. E piloto aki, cu ta den fase di desaroyo, lo ser usa hunto cu e registracion manual di prijs, cu meta di haci e proceso mas eficiente y preciso. Den futuro, e sistema aki por duna consumidornan informacion detaya di productonan via barcode y basenan di dato internacional.
Transparencia
Cu e metodo renoba aki, FTPKB ta aumenta transparencia den prijsnan di producto y ta fortalece e posicion di consumidornan na Boneiro. E fundacion ta encurasha comunidad pa sigui e desaroyonan y haci uso di e comparacionnan di prijs lo mas completo posibel ora esaki ta disponibel pronto.
