Weekend aki a mira e clausura di Carnaval 71, cu paradanan luhoso na Oranjestad y San Nicolas, y finalmente, kimamento di Momo.
Diasabra tabatin e Parada Grandi na San Nicolas. Pa 12or di merdia, Polis hunto cu SMAC a haci inicio di e parada. Tabatin 9 grupo, last lap, y mas o menos 3mil participante.
Pa 5:08 di atardi, cabes di e parada a yega Joe Laveist Sport Park, y pa 7:32pm a stop e parada, mirando cu e truck di grupo Empire a confronta problema. A tuma e decision pa stop e musica di e banda y e last lap, segun polis a informa. Esaki pa seguridad di un y tur, pa motibo cu a bira anochi.
Diadomingo tabata clausura oficial di celebracion di Aruba cu Carnaval 71. Un parada mahestuoso yen di ambiente, alegria y trahenan luhoso cu a deslumbra riba cayanan di Oranjestad.
Cuminsando pa 11or di mainta, parada grandi di Oranjestad a ranca sali for di Aruba Entertainment Center. Cu un total di siete grupo di carnaval ambiente no a falta riba caminda, ni tampoco patras di baricada.
Massive Brassband a habri parada grandi di Carnaval 71 di un manera special y bunita. TOB Carnival Group a habri parada compaña pa Reina Grandi di Aruba su Carnaval como tambe Señora Carnaval. Grupo number dos tabata Dushi Carnival Group cu tabata compaña pa Reina Hubenil di Carnaval. Grupo number tres tabata Champagne Carnival Group; Grupo number cuater tabata Aruba Tourist Carnival Group; Grupo number cinco tabata OPC Carnival Group; Grupo number seis tabata Colours Carival Group; Grupo umber siete tabata Los Laga Bai Carnival Group; grupo number ocho tabata Empire Carnival Group; y Royal Carnival Group tabata ultimo grupo.
Na final di parada, manera ta custumber di tur aña, a tuma luga Kimamento di Momo pa asina yama ayo oficial na Carnval 71.
