E siman aki, Banco Central di Aruba (CBA) a publica su Quarterly Economic Bulletin, informando riba e resultadonan di e di tres kwartaal di 2024.

Den esaki, a nota cu e surplus financiero di gobierno, di Afl. 67.3 miyon den di tres kwartaal di 2023 a crece na Afl. 150.7 miyon den e kwartaal bao revision (Chart 1). Gobierno a registra Afl. 5,570.5 miyon den debe pendiente na fin di september 2024, compara cu Afl. 5,619.4 miyon na fin di september 2023.

Operacion financiero
 Entrada total di gobierno a expande cu Afl. 134.3 miyon na Afl. 539.2 miyon durante e di tres kwartaal di 2024, compara cu e di tres kwartaal di 2023 (Chart 2). E aumento aki a resulta di aumento den tanto entrada di impuesto como entrada no di impuesto, di Afl. 130.9 miyon y Afl. 3.6 miyon respectivamente.

E aumento den entrada di impuesto tabata pa motibo di entrada di winstbelasting (+Afl. 91.4 miyon), overdrachtsbelasting (+Afl. 8.0 miyon), omzetbelasting (+Afl. 6.3 miyon), invoerrechten (+Afl. 6.1 miyon), y loonbelasting (+Afl. 5.1 miyon).

Gasto total di gobierno a aumenta cu Afl. 52.3 miyon na Afl. 382.4 miyon durante e di tres kwartaal di 2024, compara cu e mesun kwartaal di 2023 (Chart 2). E aumento aki a bin principalmente di mayor gasto den bienes y servicio (+Afl. 27.8 miyon) y transferencia y subsidio (+Afl. 20.9 miyon).

Gasto di salario di gobierno a aumenta cu Afl. 8.5 miyon na Afl. 152.2 miyon durante e di tres kwartaal di 2024. Den di tres kwartaal di 2024, e ratio di gasto relaciona cu salario pa entrada total di impuesto a registra un caida di 10.2 punto porcentual na 32.5% for di 42.7 porciento den e di tres kwartaal di 2023 (Chart 3).

Debe pendiente
 E debe total pendiente di gobierno a reduci cu Afl. 48.9 miyon (0.9%) na Afl. 5,570.5 miyon pa fin di september 2024, compara cu fin di september 2023. (Chart 4.)
E reduccion aki a resulta di menos debe exterior (-Afl. 94.7 miyon) y debe domestico mas halto (+Afl. 46.0 miyon).

E reduccion den debe exterior tabata causa pa un reduccion den claims di otro pais di Afl. 103.4 miyon, y un aumento den claim di Merca di Afl. 11.1 miyon. E aumento den debe domestico a bin di un debe negociable mas halto di Afl. 120.1 miyon y menos debe nos negociable di Afl. 74.1 miyon.

E aumento den debe negociable tabata atribui na un aumento den bono di gobierno (+Afl. 134.0 million) uy un reduccion den schatkitspapier y certificado di prestamo cash (-Afl. 9.0 million) y (-Afl. 5.0 million).

E reduccion di debe no negociable a resulta di un nivel mas abao di debe no negociable a termino corto

(-Afl. 60.4 million) como tambe un nivel mas abao di debe no negociable a termino largo (-Afl. 13.7 million). E reduccion den debe no negociable a termino corto tabata principalmente pa motibo di un nivel mas abao di otro debe a corto plaso (-Afl. 28.9 miyon), pasivo a corto plaso pa APFA (-Afl. 21.9 miyon) y credito mas abao pa proveedornan (-Afl.9.6 miyon).

E reduccion den debe no negociable a largo plaso tabata pa motibo di aumento den prestamo priva (-Afl. 7.2 miyon) y pasivo a largo plaso pa APFA (-Afl. 5.7 miyon).