Ayera durante dia a circula informacion den tur medio di comunicacion local cu e formadornan di gobierno, Sr. Mike Eman di AVP y Sra. Gerlien Croes di Futuro, a logra yega na otro y ta cla pa presenta un propuesta di Gabinete nobo y un plan di gobernacion.
Mientras cu no tin confirmacion riba e detayenan, ni si en berdad e partidonan a logra yega na otro, loke si ta confirma ta cu e dos formador lo presenta cerca Gobernador di Aruba, Su Excelencia Alfonso Boekhoudt, pa un reunion.
Expectativa ta halto despues cu e proceso di formacion a dura mas largo cu loke hopi a spera, pero lo mester warda un tiki mas pa informacion concreto y oficial riba e posible gabinete nobo.
Keda pendiente riba pagina di Facebook di Bon Dia Aruba, facebook.com/BonDiaNoticia.
Potret ta di archivo.
