Wardacosta Caribe Hulandes ayera nochi a ricibi un notificacion via di e radio maritimo VHF canal 16, na momento cu un boto tabata indica na un tankero cu e la haya problema riba lama.
E boto cu nomber Aribel tabata mas o menos 30 miya west di Aruba y e tripulacion tabatin mester di asistencia inmediatamente. E Centro di Operacion Maritimo di Wardacosta mesora a dirigi e helicopter pa e area caminda e boto tabata, pa por yuda e dos homber abordo.
Na yegada na e sitio e helicopter di Wardacosta a asisti e dos homber abordo y a hisa nan paden di e helicopter. Despues di a saca nan for di nan boto a hiba e dos homber aeropuerto di Aruba, e dos personaa yega Aruba ‘safe and sound’. E boto Aribel a ser rescata awe pa e boto Orion di Aruba.
