(BBC) – Rapper Sean “Diddy” Combs ta spera di enfrenta mas cu 10 caso civil nobo den e siguiente dianan, segun un abogado cu ta representa un decena di acusado.
E anuncio di Tony Buzbee a sali mientras el a cuminsa un otro caso legal na New York den nomber di un homber anonimo, cu ta bisa cu el a ser agredi pa e musico na 2015.
E demanda ta constata cu e acusado, un homber di 23 aña, tabata na un evento cu Combs a asisti, y despues a ser droga na un afterparty y agredi pa Combs.
Abogado di Combs a desmenti e acusacion en contra di dj’e—cu ta inclui drogamento, agresion y violacion sexual. Tambe e rapper ta enfrenta cargo federal di crimen organisa y trafico di sexo, di cual e ta bisa cu e no ta culpabel.
“Sr. Combs y su ekipo legal tin confiansa total den e berdad y integridad di e proceso hudicial,” e abogado a bisa durante un declaracion pa BBC riba e caso. “Den corte, e berdad lo prevalece: cu Sr. Combs nunca a agredi ni trafica ningun hende—homber of muher, adulto of menor.”
Buzbee, ken ta basa na Texas, a tuma un rol importante den varios caso contra Combs durante e añanan cu a pasa, incluyendo un cu a nombra Jay-Z como defendiente.
Buzbee a declara cu e ta planea pa cuminsa mas cu 10 caso den e proximo 7 pa 10 dia, esta cu un deadline ta yegando na 1 di maart na New York—e ultimo dia di un ley cu ta permiti victimanan di agresion sexual pasa pa cuminsa demanda civil.
E demanda nobo ta referi na 2015 ora e demandante a haya un oportunidad pa toca na un nightclub den e area di Los Angeles, caminda Combs tabata presente.
Un acosiado di Combs a informa e acusado cu e rapper a scucha su talento y cu e lo bin wak e show. El a wordo informa cu si e presenta bon, Combs porta lo ta interesa den un negociacion cu Bad Boy Records, un label musical cu e rapper a funda na 1993.
Despues di locual e acusado a kere tabata un “presentacion excelente”, el a ser invita pa un afterparty, caminda e seccion VIP tabata contene “yen di boter di vodka y ciroc di Combs,” y tambe “substancianan manera marihuana, cocaina, y ecstasy, ” segun e demanda.
Un acosiado di Combs a duna e acusado un bebida, indicando cu e ta bin di Combs. Despues di a bebe, e acusado “a sinti hopi marea di biaha” y a realisa cu el a ser droga. El a perde consenshi.
E demanda ta bisa cu mientras e tabata for di tino, el a observa Combs y su grupo participando den “actividadnan sexual den grupo” cu otro hende cu tambe tabata “droga, sin consenshi, of manera nan ta escolta paga.”
El a describi cu el a wak y a ser agredi pa Combs, segun e demanda. Ora el a lanta back, e seguridad di Combs a interveni y e rapper a menasa pa daña su carera, segun e demanda.
Combs ta enfrenta mas cu 30 demanda civil cu ta acus’e di agresion sexual y mal conducta. E ta den prison actualmente na New York, wardando un huicio criminal federal ariba su trafico di sexo y criman organisa.
