(AP) – WWE ta sigui expande su alcance riba rednan social cu su mescla exitoso di wrestling cu celebridadnan na su evento live premium Royal Rumble durante fin di siman.
E compania di entretenimento deportivo a bisa dialuna cu e aña aki su Royal Rumble a crea un record pa cantidad mas halto di bista den e evento su historia. Un encuentro entre wrestler Bron Breakker y streamer popular iShowSpeed a bira e publicacion di Royal rumble mas mira den historia, cu mas di 300 miyon bista den menos di 24 ora.
IShowSpeed, ken a participa den otro eventonan di WWE incluyendo WrestleMania 40, tin mas di 35 miyon suscriptor riba youTube. Logan Paul, ken tambe a particia den e fin di siman aki su Royal Rumble, tin mas di 23 miyon suscriptor riba YouTube.
WWE actualmente tin mas di 100 miyon suscriptor riba YouTube. Esaki facilmente ta surpasa National Football League, cual tin casimente 14 miyon suscriptor; National Basketball Asociation cu mas di 22 miyon suscriptor, Major League Baseball cu 6 miyon y National Hockey League cu cerca di 3 miyon.
Benta di articulo, cual tabata den partnership cu Fanatics, a aumenta na mas di 95% compara cu e record di Royal Rumble aña pasa. Ademas di ganashi di sponsor cual a aumenta na 94% compara cu e record anterior den 2024.
E evento live premium, cual a ser mira riba Peacock na Merca riba diasabra, a aumenta e record di Royal Rumble cu casi 14% domesticamente for di 1 aña anterior.
E aña aki su Royal Rumble, cual a mira Jey Uso gana e pelea di homber y charlotte Flair di hende muhe, a ser organisa na Lucas Oil Stadium na Indianapolis como parti di un partnership cu Indiana Sports Corp. Banda di Royal Rumble, e acuerdo anuncia aña pasa lo hiba WWE SummerSlam y WrestleMania na Indianapolis den añanan binidero.
