(Curacao.nu) – Hof di husticia na Corsou a cuminsa e segundo edicion di ‘Konosé bo Isla’, un programa cu ta duna coleganan di hof mas conocemento tocante cultura, historia, y dinamica social di Corsou y e otro islanan Caribeño di Reino Hulandes. E iniciativa ta stimula un conexion mas profundo cu e sociedad y lo contribui na un mihor comprondemento di usonan local.
Ex-prome Minister, Maria Liberia-Peters, a inaugura e serie cu un lectura ariba e historia politica di Corsou, cu ta enfoca ariba desaroyonan importante y desafionan cu a forma e isla durante e añanan.
E programa tambe ta inclui un excursion tocante e rebelion di esclavo na 1795 guia pa Charles do Rego, un lectura tocante e dinamica di famianan na Corsou cu Michella Schotborg, y un combersacion tocante religion y spiritualidad cu profesor Rose Mary Allen y Reginald Ansano, un experto den studio di religion.
