E Aruba Aquatics Federation (AAF) a cuminsa cu e temporada di natacion den lama habri cu e Dia di Betico Open Water Competition diadomingo, dia 26 januari, na Surfside/Nikki Beach. Cu 74 participante den tur grupo di edad, e evento ta demostra e forsa y crecemento di e comunidad di natacion den lama habri di Aruba.
E competencia a cuminsa 8’or di mainta cu e careda di 1KM, sigui pa e eventonan di 5KM y 3KM. Landadonan ta enfrenta retonan, incluyendo biento y coriente fuerte, haciendo cada careda un berdadero test di resilencia y habilidad. E curso a consisti di un loop di 1KM, cu landadonan di 3KM completando tres lap y landadonan di 5KM completando cinco. sistema di cronometrahe di calidad halto di AAF y e oficialnan dedica, e participantenan a ricibi temponan parical pa cada ronda, garantisando tracking preciso di e careda.
Un deporta ta tur edad y nivel
E competencia a yama bon bini na landadonan di ocho aña y a inclui categorianan te na e division di masters (19+ aña), permitiendo atletanan nobo como tambe atletanan experencia—local y internacional—pa tuma parti. E evento a subraya e inclusividad y accesibilidad di natacion den lama habri, reenforsando e compromiso di AAF pa engrandece e deporte.
Construyendo un comunidad fuerte di natacion den lama habri
E mision di AAF ta extende mas leu cu solamente competencia—e meta ta pa stimula un comunidad. Natacion den lama habri ta florece riba teamwork, curashamento y exitonan comparti. Mientras cu atletanan ta competi individualmente, entrenadornan, oficialnan y espectadornan ta hunga un rol crucial den e apoyo di nan trayectorio. E dedicacion di boluntarionan, participacion entusiastico di atletanan y e energia di e publica ta haci e evento aki un exito.
Sigurando responsabilidad ambiental
E Aruba Aquatics Federation, den colaboracion cu e departamentonan gubernamental responsable, ta selecta cuidadosamente e sitionan di competencia y ta evalua condicionnan di careda pa proteha e balansa ecologico di nos ocean. Tur evento ta ser planea cu un compromiso pa proteha bida marino y minimalisa e efecto ambiental, sigurando cu natacion den lama habri na Aruba ta keda ambos un deporte sostenible y responsable.
Eventonan binidero: Artistic Swimming Competition
AAF ta emociona pa continua cu e momentum cu su prome competencia di natacion artistico di aña. E evento aki lo tuma luga na Piscina Olimpico Roly Bisslik na Savaneta den februari, cuminsando 8’or di mainta.
