(NLTimes)—E cantidad di residente Hulandes usando medicinanan manera Ozempic, Wegovy y Mounjaro pa baha peso ta aumentando significantemente. Mirando cu seguronan di salud no ta duna reembolso pa e medicinanan caro aki, usuarionan mester paga miles di euro tur aña nan mes. Y esey ta expandiendo e buraco den sector di salud publico na Hulanda, segun expertonan a conta Nieuwsuur.
Na 2022, farmaceuticonan a yena rond di 2,000 prescripcion pa medicinanan manera Ozempic, Wegovy y Mounjaro. Aña pasa, esaki a sucede 109,000 biaha, segun cifranan cu Nieuwsuur a pidi for di e Pharmaceutical Key Figures Foundation.
Y e tipo di aumento aki ta apenas e comienso, expertonan ta kere. “E mercado lo ta yena cu e tipo di medicinanan. Nan uso lo sigur aumenta exponencialmente,” segun Jaap Seidell, un profesor emerito di nutricion y salud, a conta e programa.
Aña pasa den zomer, e Instituto di Cuido Medico Hulandes a conseha minister di Salud, Fleur Agema, pa no cubri Wegovy—e medicina parecido Ozempic specificamente diseña pa baha peso—den e pakete di seguro basico. E medicina ta efectivo, pero ainda tin demasiado incertidumbre tocante e efectonan, segun e instituto. Tambe el a adverti tocante e costonan. Hulanda a registra aproximadamente 7 miyon residente sobrepeso cu un BMI mas halto cu 25. Basa riba registracion di e medicina, 4.2 miyon lo ta eligibel pa uso di dje. Pa cubri esaki den seguro lo costa e pais biyones di euro.
Ozempic ta solamente cubri pa e tratamento di diabetes tipo 2. Mounjaro no ta ser cubri mes ainda. Pues hende cu ta usa e medicinanan aki pa baha peso mester paga p’e nan mes. Y asina mes e prijs ta hopi halto. Ozempic ta costa 160 euro pa luna, y Mounjaro aproximadamente 410 euro pa luna. Y esey ta exclui e costonan di e aña obligatorio di guia profesional.
E inyeccionnan ta rekeri prescripcion di dokter. Esnan cu ta determina y tin placa por facilmente yega na e medicinanan, segun Marlies Dankers, un farmaceutico na e Instituto di Uso Responsable di Medicina, a conta Nieuwsuur. “Esey ta algo cu ta preocupa mi. Awor y grupo chikito di pashent ta hayando e medicinanan aki mientras cu nos sa cu obesidad den hende mas pober frecuentemente tin consecuencianan mas pisa, tambe riba calidad di bida. E buraco den sector di salud, cual ya ta existi na Hulanda, lo solamente bira mas grandi danki na esaki.”
Profesor Emerito Seidell ta acorda cu e declaracion aki. “Y esey por debilita solidaridad den cuido medico. Pakico lo bo paga polisa di seguro halto pa e colectivo si bo tin cu paga pa tur medicina di obesidad separadamente?”
