Muchanan entre 4 pa 6 aña cu gusta hunga cu Barbie ta haya chens pa atende un tayer di Barbie na biblioteca. Muchanan por bin cu nan mesun Barbie y ta conta algo di nan popchi.

Escritor y ilustrador Sra. Mylo Freeman ta facilita e tayer aki. Mylo Freeman ta conoci na Hulanda pa su liña di Black Barbie y ta duna un presentacion di su coleccion y ta conta tocante e historia di Black Barbie. Meta di e tayer tapa enfoca riba diversidad y creatividad. Muchanan ta diseña y ta pinta e outfit pa nan propio Barbie. E tayer ta stimula creatividad y al mismo tiempo ta introduci e importancia di representacion cultural. Grupo meta ta mucha di 4 pa 6 aña. Muchanan ta bay e tayer cu nan mayor. Esaki ta tuma lugar den Verteltoren di biblioteca na Playa. Por registra cerca Gina # 528 1504 of email: curso@bna.aw