(EFE/Milenio) – Presidente di Brazil, Luiz Inacio Lula da Silva, a propone presidente Colombiano, Gustavo Petro pa construi un “aliansa strategico” entre e dos pais pa laga nan economia crece y impulsa e integracion di Sur America pa tin mayor peso dilanti e nacionnan grandi.
Lula a resalta cu e ta spera cu ambos pais lo ta igual, den termino di economia, ora Petro y e caba nan mandato y cu esey ta bay ta logra solamente door di impulsa e union entre e nacionnan di e continente y nan economianan.
El a splica cu empresarionan Brasileño ta busca na Colombia pa nan inversionnan ta a salvo pa locual ta pidi stabilidad huridico, fiscal y social.
Ademas, e hefe di Estado a boga pa caba cu e obstaculonan cu tin na e dos pais pa haci cu e balans comercial keda aumenta significantemente, pasobra tanto Brazil como Colombia tin recurso economico y humano pa haci esaki posible.
Brazil awe ta e di tres socio comercial mayor di Colombia, tras di Merca y China, pa loke e dos gobierno tin meta pa amplia e intercambio aki.
Segun datonan oficial, na 2023 e comercio bilateral a alcansa 6mil 100 miyon dollar, cu un balansa inclina na fabor di Brazil, cu a exporta producto pa 3mil 800 miyon dollar.
