(AP) – Italia a deporta un lider di guera Libio busca pa International Criminal Court a causa di preocupacionnan di seguridad, minister di Interior di Italia a splica na autoridadnan diahuebs den e gobierno su prome comentario oficial tocante su decision di deporta e sospechoso y no entrega su persona.
Minister di Interior Matteo Piantedosi a señala pregunta na e autoridadnan di oposicion durante e sesion di Senado dos dia despues cu Ossama Anjiem, tambe conoci como Ossama al-MAsri, a ser hiba den avion di gobierno back pa Tripoli, unda el a ricibi e bon bini di un heroe.
Al-Masri a keda repatria na Tripoli pa “motibonan di seguridad urgente, cu mi ordo di expulsion, den bista di e peliger cu e suheto a posee,” Piantedosi a conta Senado. El a nenga duna mas detaye, citando cu e lo dirigi su mes na autoridadnan den e siman binidero.
Senadornan a expresa disgusto cu Italia a ignora su obligacionnan cu corte criminal na Hulanda di entrega e sospechosonan criminal. Nan a ripiti yamado pa Premier Giorgia Meloni responde na e legisladornan su preguntanan den un sesion habri.
E ordo di detencion di ICC a acusa al-Masri di crimennan di guera y crimennan contra humanidad cometi den e prison Mitiga na Libia cuminsando den 2015 cu ta castigabel cu bida den prizon.
ICC a bisa cu e ta acusa di asesinato, tortura, violacion y violencia sexual. El a bisa cu e ordo a ser transimiti na estadonan miembro riba diasabra, incluyendo Italia, cu e corte tambe a provee informacion cu el a drenta Europa. E corte a bisa cu el a recorda Italia na e momento di tuma contacto “sin atraso” si e enkontra cualkier problema den coopera cu e ordo di detencion.
Sinembargo Roma su corte di apelacion a duna ordo pa libera al-Masri diahuebs y a mand’e Libia manera a reporta anteriormente. Italia tin lasonan cercano na e gobierno den Tripoli, riba cual e ta depende pa patruya su costanan y preveni cu olanan di migrante for di bay. Cualkier huicio den Den Haag di al-Masri por causa atencion indesea na Italia su politicanan di migracion y su sosten di e warda costa di Libia, cual e tin tempo ta financia pa preveni cu migrantenan sali.
Gruponan di derechonan humano a documenta abusonan grandi di e facilidadnan di detencion di Libia unda e migrantenan ta deteni y a acusa Italia di ta complice den e maltrato cu nan ta sufri na e sitio.
