(CuraçaoChronicle) – Ex studiantenan cu a studia bao e sistema di prestamo pa studiante Hulandes entre September 2015 y Augustus 2023 por ta eligibel pa compensacion financiero. Cuminsando den januari, Dienst Uitvoering Onderwijs (DUO) lo manda notificacionnan personalisa na e grupo aki, informando nan di e beneficionan pa cual nan lo por cualifica.
E programa aki tin e meta di asisti studiantenan cu no a ricibi un subsidio basico durante nan estudio y posiblemente mester a depende cu mas peso riba e perstamo. E dos tiponan di compensacion ta disponibel: e Missed Basic Grant Compensation y Study Voucher Compensation. Un di e rekisitonan ta cu e studiantenan mester a obtene un diploma final.
E studiantenan eligibel lo ricibi 34.17 euro pa luna pa e duracion bao cual nan a studia den e sistema di prestamo. E cantidad aki lo keda kita automaticamente for di cualkier prestamo pendiente. Si ningun debe ta existi, e cantidad lo ser paga directamente na e ex-studiante.
Adicionalmente, e ex studiantenan cu a cuminsa nan estudio durante e prome 4 aña di e sistema di prestamo tin e derecho di ricibi un compensacion di 2,098 euro. E cantidad aki di mesun manera lo keda aplica na cualkier debe pendiente of lo ser paga directamente si no tin debe pendiente.
E ex studiantenan eligibel lo automaticamente ricibi un notificacion di DUO den januari, pero esaki lo por sucede solamente si nan detayenan actual ta registra cu e agencia. Esnan cu obtene nan diploma despues lo ricibi un notificacion despues cu nan institucion educacional entrega e informacion necesario di e diploma.
Studiantenan cu no usa e financiamento of e producto di biahe di studiante mester aplica pa Missd Basic Grant Compensation nan mes. DUO ta encurasha e grupo aki pa entrega nan aplicacion via e canalnan oficial.
