Awe tardi pa 1:30 den corte hues lo duna su veredicto den caso Flamingo. Caso den cual actual parlamentario y lider di fraccion PPA, Otmar Oduber ta e sospechoso principal.
Depues di añas cu e caso aki ta andando awe tardi e veredicto final ta bira conoci pa asina duna un cierre na loke parlamentario Oduber a yama ta un “persecucion politico” contra su persona.
Na mas di un ocasión Oduber a remarca e hecho cu e ta para y ta kere firmemente den su inocencia y ta sigur cu e sentencia lo ta na su fabor.
Caso Flamingo a cuminsa cu un lista di varios acusacion contra e parlamentario y na momento di e tratamento di e caso OM a enfoca riba dos acusacion.
Durante temporada di eleccion e lider di PPA contestando un pregunta dirigi na su persona tocante si den caso e sentencia no ta na su fabor si e lo sinta como parlamentario, a indica cu e no lo sinta como parlamentario.
Keda pendiente pa mas informacion tocante e caso aki, e noticia ta den desaroyo.
