Diasabra madruga a drenta informe di un accidente basta serio banda di Carnival Village, mesora a dirigi tanto polis como ambulans na e sitio.
Na yegada di e patruya a bin compronde cu aki lo ta trata di un caso di persecucion cu posibel tiramento cu arma di candela. E chauffeur den e auto lo a perde control bay dal riba un palo di luz y un mata di kwihi y a keda pega den e ruina di e auto te cu mester a solicita e equipo di rescate di bombero pa asina libera e victima. Manera a logra libera e victima a transport’e cu urgencia pa hospital mientras investigacionnan a sigui na e sitio. Durante e investigacionnan cu a sigui a logra haya marcanan di tiro di arma di candela riba e auto. Polis a sigui cu su investigacionnan.
