(AP) — Gobernador di Florida Ron DeSantis ta convoca legisladornan estatal pa un sesion special pa yuda implementa e promesanan di presidente-electo Donald Trump pa un campaña rapido pa aplica estrictamente e leynan di inmigracion.
Trump ta preparando mas cu 100 orden ehecutivo cu lo cuminsa riba su prome dia den e Cas Blanco, como un campaña agresivo enfoca riba seguridad di frontera, deportacionnan, y otro prioridadnan di politicanan.
Mientras Trump y su conseheronan ta comprometi na un deportacion masivo, tin hopi pregunta tocante con nan lo deporta e aproximadamente 11 miyon persona cu ta den e pais ilegalmente. DeSantis a anuncia dialuna cu e ta programando e sesion special pa e siman di dia 27 di januari, un siman despues cu Trump ser huramenta, pa legisladornan estatal lo ta cla pa yuda implementa e politicanan di e presidente-electo inmediatamente.
“Oficialnan estatal y local na Florida mester yuda e administracion di Trump pa reforsa e leynan di inmigracion di nos nacion,” DeSantis a bisa. “Pa haci esaki den un manera eficaz, nos mester tin legislacion pa impone debernan adicional riba oficialnan local y provee fondo pa nan.”
E gobernador Republicano a bisa cu e ta cla pa suspende oficialnan eligi di nan puesto si nan ta “nenga nan debernan” bou di e mandatonan nobo di inmigracion y cu e lo considera activa e Guardia Nacional di Florida y e Guardia Estatal di Florida pa implementa medidanan di implementacion den e estado. DeSantis a bisa cu e ta anticipa pa aloca dies miyones di dollar pa yuda oficialnan estatal y local amplia nan esfuersonan di implementacion y detencion.
“Tambe mester tin medidanan pa pone hende responsable cu ta viola nos politicanan anti-sanctuario,” el a agrega. “Florida mester sigura cu no tin ningun incentivo restante pa hende bin den nos estado ilegalmente.”
DeSantis tambe ta pidi legisladornan di Florida pa pasa legislacion di alivio pa horcan, traha riba reformanan pa mercado di condominium di e estado, cu a mira aumento di prijs despues di un ley di siguridad cu a ser aproba na 2022 despues di e collapse na Surfside cu a mata 98 persona na juni 2021. E gobernador tambe kier cu legisladornan reforma e proceso di iniciativa di voto ciudadano pa proposicionnan di enmiendanan constitucional, despues di afirma cu un medida di 2024 pa amplia derechonan di aborto tabata plaga pa fraude.
