KPA ta reacciona riba articulo publica riba amigoaruba.com; Alto Comisario Arnhem ta haci apelacion pa trankilidad, orden y respet pa otro

Desde 1 januari 2025, Cuerpo Policial Aruba tin un maneho nobo den strategia nobo den comunicacion. Esaki nifica cu Cuerpo Policial lo reacciona riba comunicado cu no ta cuadra cu e berdad. E reaccion di KPA ariba e medionan cu ta publica nan articulo, no ta basa pa ataca of crea enemistad. KPA su meta ta pa dialoga y uni cu otro pa asina informa e sociedad cu informacion corecto.

Cuerpo Policial Aruba ta reacciona riba e articulo publica dialuna 6 januari 2025 door di AmigoAruba.com.
E articulo na cual KPA ta referi ta: “Pers als Wapen, Hoe de journalistiek de samenleving verdeelt en instabiliteit zaait.”

Segun un comunicado di KPA, no a acerca Cuerpo Policial cu ningun pregunta y/of aclaracion pa e publicacion di dicho articulo. “Den e articulo publica pa AmigoAruba.com, e ta referi na e comunicado di KPA, na unda altocomisario Sr. Arnhem ta bisa cu e ta condena violencia contra miembronan di prensa, pero como tambe contra tur otro hende. Den dicho articulo publica pa AmigoAruba ta wordo bisa cu alto comisario ta haya critica pa cu esaki y e punto di bista di Arnhem ta unilateral. E periodista en cuestion ta enfoca diariamente negativamente den su articulo y red social. Di e manera aki, e periodista ta contribui den e division social y daño contra personanan, segun e articulo.

Reaccion di parti Cuerpo Policial Aruba

Na prome lugar, violencia ta un acto castigabel cu semper ta condena pa polis. Actua contra violencia ta un di e tareanan central di polis.

Cuerpo Policial ta compronde cu e acusacionnan ariba persona den rednan social ta trece emocionnan desagradabel. Pero no ta tarea di Cuerpo Policial pa guia, educa of controla e periodista den su trabao diario. Esaki ta keda na e periodista mes. E declaracion haci door AmigoAruba ta aproba violencia.

Imagina boso si polis mester permiti violencia “Den ki tipo di sociedad nos lo bibando ?” Polis ta pa garantisa orden publico y seguridad di comunidad di Aruba.

Alto comisario Arnhem ta haci apelacion pa trankilidad, orden y respet pa otro. Acto di violencia ta na tur momento castigabel pa ley y por conta riba accion firme di polis.