Fundacion Nine Lives Aruba, cu ta rescata pushi na Aruba, ta buscando foster pa temporada di fin di aña. Motibo ta cu e pushinan na e fundacion ta biba den un ‘catio’ pafo, y den cambio di aña, cu e zonido fuerte di klapchi y conmocion di dianan di fiesta, e pushinan ta sufri hopi stress y tin chens di huy for di e fundacion.
Kico ta foster?
Foster ta nifica tuma un pushi den cas pa solamente algun dia, a diferencia di un compromiso permanente. Loke ta importante ta pa e pushi keda estrictamente paden. Ademas di yuda pa e pushinan no sufri stress den temporada di fin di aña, nan estadia cerca un foster ta duna nan un chens pa sinti e comodidad di un cas y experiencia den famia durante e temporada bunita di Pasco y Fin di Aña.
E periodo cu e pushi lo keda cerca e foster ta di dia 27 di december te dia 8 di januari.
E fundacion ta provee cat litter, cuminda y cualkier otro suministro cu e pushi mester, kiermen e foster no mester carga ningun gasto!
E aña aki, Nine Lives Aruba ta buscando foster ainda pa 12 pushi adulto.
Si ta interesa den yuda e fundacion pa e temporada aki, please tuma contacto cu
Nine Lives Aruba Foundation
https://www.facebook.com/NineLivesArubaFoundation
ninelivesaruba@gmail.com
Jaburibari 8 B, Noord, Aruba
