(AP) — Oficina di presidente Frances, Emmanuel Macron a anuncia un gobierno nobo ayera, despues cu esun anterior a collapse den un voto historico impulsa pa disputa tocante presupuesto di e pais.
Prome minister recien nombra, François Bayrou a hinca e gobierno den otro, cu ta inclui miembronan di e team saliente domina pa conservador y figuranan nobo di background centrista of iskierdista.
Bin cu un presupuesto pa 2025 ta bay ta e tarea mas urgente. E gobierno nobo ta asumi su cargo despues di lunas di deadlock politico y presion di mercadonan financiero pa reduci e debe astronomico di Francia.
Ningun partido riba su mes tin mayoria den Asamblea Nacional. E decadanan di experiencia politico di Bayrou ta ser mira como clave den esfuersonan pa restaura stabilidad.
Partido di ultra-derecha di Marine Le Pen a yuda baha e gobierno anterior, y gabinete di Bayrou ta bay busca pa depende riba legisladornan modera di iskidera y derecha pa keda na poder.
Bankero Eric Lombard ta bay ta minister di Finanzas, un puesto crucial mientras Francia ta trahando pa cumpli cu su promesa haci na su partnernan di Union Europeo pa reduci su deficit, calcula pa alcansa 6 porciento di su GDP e aña aki. Lombard brevemente a traha como un consehero di minister di Finanzas socialista den añanan 1990.
E derechista Bruno Retailleau ta keda como minister di Interior, cu responsabilidad pa seguridad y politica di migracion di Francia.
Sebastien Lecornu, kende tabata den frente di e sosten militar di Francia pa Ucrania, ta keda como minister di Defensa, mientras minister di Exterior, Jean-Noel Barrot, kende a biaha extensamente den Medio Oriente den simannan recien, tambe ta retene su puesto.
Entre e caranan nobo tin dos ex-prome minister. Manuel Valls ta bay ta minister di Asunto Exterior, y Elisabeth Borne ta asumi e ministerio di Educacion.
